I

ТРОПАРЬ ПРЕПОДОБНОМУ СЕРГИЮ

(из Следованной Псалтири XV века, писанной в Ростове)

В чистоте житиа, источник слез твоих, исповеданиа и трудовныя поты съвокупил еси, и купель духовную источил еси, священный Сергие Преподобне, омываеши соугубстве, творящим любовию память твою, скверны обоямо душевныя и телесныя; сих ради чада твоя сущи въпием ти: моли, Отче, святую Троицю о душах наших.

КОНДАК ПРЕПОДОБНОМУ СЕРГИЮ

(из рукописных святцев XV века)

Яко безплотным равножитель, всех Преподобных превозшел еси постничьскыми труды и бдении молитвенными, мудре Сергие; тем восприял еси от Бога исцеляти недугы и прогоняти бесы; того ради въпием ти: радуйся, Отче Преподобне Сергие.

  ПРЕДЫДУЩАЯ ГЛАВА  |  ОГЛАВЛЕНИЕ  |  СЛЕДУЮЩАЯ ГЛАВА  

'Светильник земли Русской' - Каталог ресурсов о преподобном Сергии Радонежском.
Служба поддержки - Михаил Павлов